Таяуда ғана 2023-2025 жылдарға арналған ғылыми және ғылыми-техникалық жобалар бойынша гранттық қаржыландыруға кезекті байқау өтті. Оның қорытындысы бойынша «Алтайтану» ҒЗО «Қазақтар Қазақстанның демографиялық әлеуеті ретінде: ретроспектив және даму перспективалары» атты жаңа жобаны іске асыруға мүмкіндік алды. Жоба қатысушылары мен жетекшілерінің алдында нақты міндеттер тұр. Атап айтқанда, 1950-1960 жылдардағы қазақтардың демографиялық жарылыстарының себептері мен жағдайларын анықтау. Сондай-ақ, бұл дивидендтердің кейіннен қалай пайдаланылғанын бағалау, 21 ғасырдың басындағы жоғары туу себептері мен жағдайларымен салыстыру міндеттері қойылған. Орталық қызметкерлерінің ақпараты бойынша, жобаның басты мақсаты – демографиялық әлеуетті нақты адами капиталға айналдыру, сонымен қатар, Қазақстанның әлеуметтік-демографиялық, әлеуметтік-экономикалық және әлеуметтік-мәдени салаларын дамыту.

- Біздің мақсаттарымызды жүзеге асыруға пәнаралық тәсілдер мен зерттеу әдістері ықпал етеді. Атап айтқанда, ретроспективті, анамнестикалық тәсілдер және мерзімді басып шығару мазмұнын талдау. Сандық құралдарға да маңызды рөл беріледі. Интернет-ресурс құру жоспары бар, - деді «Алтайтану» ҒЗО директоры Жанна Әубәкірова.

Онлайн платформада ашық қолжетімділікте объективті статистикалық деректер және олардың сараптамалық талдауы, тақырып бойынша мерзімді басылымдардағы жарияланымдардың дерекқоры, оған қоса ХХ ғасырдың екінші жартысындағы оқиғалардың куәгерлері мен қатысушыларының сұхбаттары орналастырылады.