Сәрсен Аманжолов атындағы Шығыс Қазақстан университеті EUt+ Альянсымен ынтымақтастық туралы меморандумға қол қоюға ниетті. Бұл ұйымға мүше университеттер: Дублин технологиялық университеті (Ирландия), Рига техникалық университеті (Латвия), Дармштадт Жоғары мектебі (Германия), Труа техникалық университеті (Франция), Картахена политехникалық университеті (Испания), София техникалық университеті (Болгария), Кипр технологиялық университеті және Клуж Напока техникалық университеті (Румыния).  

Естеріңізге сала кетейік, бұған дейін ШҚУ румын университетімен еуропалық техникалық университеттермен ынтымақтастыққа жол ашқан  келісімшартқа қол қойған болатын. EUt+ өкілдерінің айтуынша, бүгінде адамзат керемет ауқымдағы қиындықтарға тап болды. Оның ішінде климаттың өзгеруі, ресурстарды шамадан тыс пайдалану, цифрлық дәуірдің әлеуметтік салдары бар. Олардың шешімдері заманауи технологияларда. Сегіз серіктес Еуропалық технологиялық университетті құру үшін күш біріктірді. Мұндай шешім білім берудің жаңа инклюзивті еуропалық моделін ілгерілетуге негізделген.

Осы өршіл мақсатқа жету үшін EUt+ басқа университеттермен, соның ішінде Еуроодақтан тыс жерлерде де жемісті ынтымақтастық құруға ұмтылуда. Осылайша С.Аманжолов атындағы ШҚУ таяу арада EUt+-пен ынтымақтастық орнатпақ.

Айта кетейік, EUt+ ауқымының кеңеюі зерттеу ынтымақтастығын, қос дипломды білім беруді, ERASMUS бағдарламасын, студенттер мен оқытушылардың академиялық ұтқырлығын, сондай-ақ зертханалық және өндірістік тағылымдамаларды қамтиды.