Сәрсен Аманжолов атындағы университеттің кәсіптік даярлау және біліктілікті арттыру ресурстық орталығында «Университетте кәсіптік бағдар беру жұмысын ұйымдастырудың заманауи тәсілдері» бағдарламасы бойынша кәсіптік бағдар берушілерге арналған курстар өтті.

Бағдарламаның мақсаты – кәсіптік бағдарлау және талапкерлерді мамандық таңдау кезіндегі саналы шешім қабылдауда қолдау саласындағы құзыреттерді дамыту. Ұйымдастырушылардың айтуынша, курсқа 55 кәсіптік бағдар беруші қатысты.

Спикерлер қатарында стратегиялық даму және ғылыми жұмыс жөніндегі проректор, п.ғ.к. Ирина Ровнякова, қауымдастырылған профессорлар Елена Барабанова және Юлия Кукина, сеньор-лектор Құралай Шакаримова, қабылдау комиссиясының жауапты хатшысы Лейла Байжуманова, маркетинг, мансап және жұмысқа орналастыру орталығы басшысының м.а. Арайлым Раисова, «Алтай Жастары» медиа-орталығының басшысы Флюра Есімханова болды.

Шара соңында барлық қатысушыларға сертификаттар табысталды.