2022 жылдың маусым айында Ұжымдық қолданыстағы ұлттық ғылыми зертхананың бас ғылыми қызметкері, Биология кафедрасының сеньор лекторы, PhD Сутула М.Ю. Польшаның Познань қаласындағы Адам Мицкевич атындағы университеттің гендер экспрессиясы зертханасында (Adam Mickiewicz University, Poznań, Poland) ғылыми тағылымдамадан және біліктілікті арттыру курстарынан өтті.

Қазіргі уақытта Максим Юрьевич "Ауыл шаруашылығы дақылдарының сорттарына вирусқа қарсы төзімділік беруге бағытталған инновациялық технологияларды әзірлеу және енгізу" тақыбрыбындағы ғылыми-зерттеу жобасының жетекшісі болып табылады. Енгізілген технология РНҚ-ның қорғаныс кедергісінің молекулалық механизмдеріне негізделген. Бұл іргелі жасушаішілік молекулааралық процестер өсімдіктердің фитопатогендік вирустарға қарсы қорғаныс механизмдерін белсендіруге мүмкіндік береді, бұл 80% дейін өнім жоғалтуға әкелуі мүмкін. Осы ғылыми-зерттеу жобасы аясында PhD ғылыми тобының жетекшісі М. Ю. Сутула молекулярлық биология саласындағы заманауи инновациялық зерттеу жабдығында жұмыс істеудің жаңа әдістерін зерттеу және біліктілігін арттыру үшін әлемнің 500 университетінің қатарына кіретін Польшаның жетекші университетіне барып, ең бастысы, Еуропаның жетекші биолог ғалымдарының ғылыми семинарына қатысып, жоба бойынша ғылыми зерттеулердің нәтижелерін талқылауға ұсынды.

Ғылыми кеңесші және тағылымдама жетекшісі ретінде Prof. UAM dr hab. Andrzej Pacak, Department of Gene Expression, Institute of Molecular Biology and Biotechnology, Faculty of Biology таңдалды. Тағылымдама кезінде droplet digital PCR (ddPCR), Real-time PCR, DNA and RNA Sequencing және т. б. молекулалық биологияның жаңа әдістері меңгерілді. Максим Юрьевич шетелдік ғалымдардың назарына С.Аманжолов атындағы ШҚУ Ұжымдық пайдаланудағы ұлттық ғылыми зертханасының өсімдіктердің биологиясы мен биотехнологиясы зертханасының базасында орындалатын ғылыми жобаның негізгі нәтижелерінің тұсаукесерін ұсынды. 

Адам Мицкевич атындағы Университеттің мамандары мен ғалымдары М. Ю. Сутуланың ғылыми жетістіктерін жоғары бағалады және болашақ зерттеулерге бірқатар пайдалы ұсыныстар берді. Оқу аяқталғаннан кейін ғылыми-практикалық тағылымдамадан өткені туралы Сертификат алынды. Гендер экспрессиясы зертханасының басшылығы мен ұжымымен қазіргі уақытта өсімдіктердің биологиясы және биотехнологиясы зертханасымен коллаборация құру бойынша келіссөздер жүргізілуде, бұл бірлескен халықаралық ғылыми жобаларды ұсынудың және біздің зертханаларымыздың зор әлеуетін іске асырудың кең ауқымды жаңа мүмкіндіктеріне жол ашады. Өсімдіктердің биологиясы мен биотехнологиясы зертханасы Қазақстан Республикасының өндірістік ұйымдарымен (Шығыс Қазақстан ауыл шаруашылығы Тәжірибелік станциясы-АШҚҚҚ, майлы дақылдардың тәжірибелік шаруашылығы – ОХМК және т. б.) ынтымақтасып жұмыс істейтіндігінің, сондай – ақ молекулярлық биология саласындағы заманауи жоғары технологиялық зерттеу жабдығы мен штаттағы білікті ғалымдардың болуының арқасында қазіргі уақытта халықаралық сарапшылар тарапынан қызығушылық белсенді түрде артып келеді.