Amanzholov University жергілікті бюджет қаражаты есебінен (әкім гранты) 2023-2024 оку жылына арналған жоғары білім беру гранттары бойынша білім беру бағдарламаларына өтініш қабылдауды бастады. Бұл туралы университеттің Қабылдау комиссиясы хабарлайды.

- Бүгіннен бастап жергілікті бюджет қаражаты есебінен гранттарға өтініш қабылдау басталды. Биыл университетке ШҚО әкімдігі гранты есебінен 124 орын бөлінді. Бұл талапкерлер үшін тағы бір мүмкіндік, - дейді қабылдау комиссиясының жауапты хатшысы Лейла Байжұманова.

Оның айтуынша, осы жылы ШҚО әкімдігі гранты бөлініп отырған бірнеше жаңа мамандықтар бар. Алғаш рет жергілікті бюджет қаражаты есебінен гранттық орындар бұйырған білім беру бағдарламалары қатарында «Журналистика және репортер ісі», «Менеджмент және басқару», «Аудит және салық салу», «Қаржы, экономика, банк және сақтандыру ісі», «Орман шаруашылығы» бар.

Айта кетейік, жергілікті бюджет қаражаты есебінен білім беру гранттарына мемлекеттік білім беру гранттары байқауына тапсырып, грантқа ілікпеген жастар қатыса алады. Оған құжаттарды қабылдау 7 - 13 тамыз аралығында өтеді.

Кез келген талапкердің қабылдау комиссиясына хабарласып, қажет ақпаратты алуға мүмкіндігі бар екенін еске сала кетейік.

ШҚУ қабылдау комиссиясының

Call-орталығы:

8(7232)540-812

8(7232)541-433

+7 7777098388

+7 7013457689

+7 7052828141

+7 7762125937