10 маусым күні Astana IT University базасында ҚР Ғылым және жоғары білім министрі Саясат Нұрбек, «Қазақстан халқына» қоғамдық қорының төрағасы Болат Жәмішев, Coursera бас атқарушы директоры Джефф Маджонкальд, Coursera клиенттармен жұмыс жөніндегі директор Лариса Уиткрофт, «BMG UpSkill» директоры Рауан Кенжеханұлы бас қосқан студенттер және оқытушылармен кездесу өтті. Шараға 25 аймақтық ЖОО-дары қатысты. Олардың барлығы Coursera курстарын сәтті аяқтаған.

Amanzholov University өкілдері де кездесуде болды.

«Қазақ тілі мен әдебиеті» мамандығының 2 курс білім алушысы Аяужан Тұрдыбаева «COURSERA қазақ тілінде» курсы жобасын аяқтаған ең үздік студент атанды.

- Саясат Нұрбек мырзаға және біздің ректор Мұхтар Әділбекұлына алғыс айтқым келеді. Бұл мен үшін халықаралық білім платформасына қол жеткізуде үлкен мүмкіндік болды, - дейді Аяужан Тұрдыбаева.

Барлық марапатталған студенттерге сертификаттар мен бағалы сыйлықтар табысталды.

Жастардың айтуынша, кездесуден алған әсерлері өте тамаша. Болашаққа биік жоспарлар қойып, білім белесін бағындыруға ұмтылуға жол ашты деседі.