«Алтайтану» ҒЗО «Қазақстан демографиялық өзгерістер дәуірінде» циклынан кезекті республикалық ғылыми-практикалық вебинар өткізді. Талқыланған тақырып – «Демографиялық деректерді талдауға арналған цифрлық құралдар».
Ғылыми-сараптамалық қоғамдастық өкілдеріне туудың цифрлық карталары және кластерлік талдау әдісінің мүмкіндіктерін кеңейту үшін кейс-технологияны пайдалану мысалдары таныстырылды. Бұл материалдар ҚР БҒМ ҒК «Қалалық қазақтардың репродуктивті мінез-құлқының өңірлік ерекшеліктері» гранттық жобасын іске асыру нәтижелерінің бір бөлігі (AP09260600). Тарих ғылымдарының кандидаты, қауымдастырылған профессор, «Алтайтану» ҒЗО директоры және жобаның ғылыми жетекшісі Жанна Әубәкірова негізгі баяндаманы таныстырды. Ол өз баяндамасында әлеуметтік-демографиялық процестерді зерттеушілерге заманауи цифрлық технологияларды қолдану қандай мүмкіндіктер беретінін нақты көрсетті.
Жобаның кіші ғылыми қызметкері, Карлов университетінің докторанты (Прага, ЧР) Антон Ивлев өз сөзінде вебинарға қатысушыларды кез келген заманауи зерттеуші-маманға керек қолжетімді деректерді визуализациялау мен талдаудың әртүрлі бағдарламаларымен таныстырды. Динамикалық графикалар мен карталар мысалдары көмегімен деректер талданды. Сонымен қатар баяндамашы атап өткендей демографияда тәжірибесі аз адамдармен байланыс орнату да маңызды. Көрнекілік мемлекеттік қызметкерлерге, қоғам белсенділері мен студенттерге түсінікті етіп беріледі. Қазақстанның егеменді демографиялық жүйесінің дамуы мен қалыптасуының күрделі процестері ішкі себеп-салдарлық байланыстарды көруге және ықтималды болжамдарды тиімді құруға мүмкіндік береді.
Вебинардың қорытынды бөлімінде «Алтайтану» ҒЗО бас ғылыми қызметкері, тарих ғылымдарының докторы Александр Алексеенко демографиялық процестерді түсіну мен талдаудың еуропалық және қазақстандық тәсілдерін салыстыра отырып, бірқатар мәселе көтерді. Осылайша, соңғы цифрлық құралдарды қолдана отыра ары қарайғы зерттеулердің бағытын анықтау маңызды екені нақтыланды.
«Алтайтану» ҒЗО
