С. Аманжолов атындағы ШҚУ-да Ғылым қызметкерлері күніне орай кітап көрмесі ашылды. Іс-шара «Зияткерлік серпіліс: жастар және ғылым» атты жас ғалымдардың халықаралық ғылыми-практикалық конференциясы аясында ұйымдастырылды.

Университеттің кітапхана қоры 180-ге жуық кітап пен жинақтарды ұсынды. Көрме 6 бөлімнен тұрады, олардың әрқайсысы белгілі бір тақырыпқа арналған. Соның ішінде қазіргі білім беру саласы туралы кітаптар, С. Аманжолов атындағы  ШҚУ ректорларының авторлық еңбектері бар. Сондай-ақ университет қонақтары Қаныш Сәтбаев туралы өмірбаяндық материалдармен, Юмаш Уәлиевтің және Amanzholov University профессорлық-оқытушылық құрамының еңбектерімен таныса алды.

Айта кетейік, көрмені 2023 жылдың 1 мамырына дейін № 5 әкімшілік корпуста тамашалауға болады.