Ай сайын С.Аманжолов атындағы ШҚУ-дың Стратегия, халықаралық ынтымақтастық және аккредиттеу бөлімі British Council Kazakhstan-мен бірігіп, шетелде оқу немесе қоныстану үшін қажет халықаралық IELTS емтиханын өткізеді.

Аталған сертификат көптеген елдерде ағылшын тілін білуді растайтын құжат ретінде қабылданады. Атап айтқанда, Австралия, Ұлыбритания, Ирландия, Канада, Жаңа Зеландия, Дания, Италия, Бразилия, Түркия, АҚШ елдерінде.

Тест екі модульді қамтиды: шетелдік колледждер мен университеттерге түсушілер үшін академиялық және қоныстануға баратын мамандарға арналған жалпы модуль. Тестіленушілер тыңдалым, оқылым, жазылым және ауызекі сөйлеу талаптары бойынша бағаланады.

IELTS сертификаты екі жылға дейін жарамды. Жарамдылық уақыты біткеннен кейін тілді меңгеру деңгейі қайтадан расталуы керек.

Айта кетейік, алдыңғы IELTS Amanzholov University-де 24-25 маусым күндері өткен еді. Келесі емтихан шілде айының соңына жоспарланған.