24 мамырдан бастап С.Аманжолов атындағы ШҚУ-дың жас спортшылары ХІІ жазғы Универсиадада оқу орыны намысын қорғауда. Спорттық шара Ғылым және жоғары білім министрлігінің қолдауымен Ақтау қаласында Yessenov University-де өтуде.

Биыл универсиада бағдарламасында 17 спорт  түрі ұйымдастырылған. Шара ұйымдастырушылары бүкіләлемдік Универсиада мен Дене тәрбиесі Ұлттық ғылыми-практикалық орталықтың бағдарламасына басымдық берілетінін айтады.

Amanzholov University-ден «Дене шынықтыру және спорт» мамандығының бірнеше студенті қатысты. Осылайша, 2 маусымда ұзындыққа секіруден және үш қарғып секіруден Варвара Дмитриева сынға түсіп, үздік нәтиже көрсетті. Алтын жүлдені қоржынға түсірді. Ал, екінші алтын медальді найза лақтырудан Амина Макс иеленді. Сондай-ақ, 5 маусым күні жеңісті жол жалғасып, жеңілатлетші Алексей Хлыстов биіктікке секіруде бірінші болды. Оның нәтижесі - 1 м 90 см. Осы спорт түрінен қола медаль Вадим Пантусқа бұйырды. Спортшының нәтижесі - 1 м 80 см. Универсиада 24 маусымға дейін жалғасатынын айта кетейін.