Б.Мамраев атындағы ғылыми кітапханада қазақ халқының ұлы перзенті, қоғам қайраткері, педагог-ағартушы Мағжан Жұмабаевтың 130-жылдығына арналған әдеби көрме ашылды.

Көрмеге келушілер ақынның алғашқы шығармашылық жолындағы туындылары, жинақтарымен таныса алады. Жұрт назарына есімі түркі әлеміне әйгілі ағартушының небары он төрт жасында жазған өлеңдері топтастырылған жинақ та қойылған.

- Ол қазақ қаламгерлерінің ішінде ең бірінші болып очерк жазу жанрын бастады. Алғашқы әдеби сынды да қалыптастырды. Ең алдымен Мағжан Жұмабаев қазақ әдебиетіне тың серпін әкелген ақын. Көрмедегі кітаптардан-ақ Мағжанның жан-жақты, еңбегі ерен тұлға болғанын көруге болады. Осының барлығын көзбен көргендердің тағдыры толғаулы болған ақынның өміріне одан әрі бойлай бергілері келеді, - дейді кітапхана қызметкері Светлана Самойлова.

Шараны ұйымдастырушылардың айтуынша, Мағжан Жұмабаевтың өмірі мен шығармашылығына қатысты ақтаңдақтар әлі де көп. Ал, бүгінге белгілі мәліметтермен танысамын дегендер №1 оқу ғимаратында орналасқан Б.Мамраев атындағы ғылыми кітапханаға келе алады.