Университетішілік спартакиаданың ақтық сындары! Бірнеше апта бойы қатысушылар өзара тартысып, кім мықтыны анықтады. Профессор-оқытушылар құрамы мен ЖОО қызметкерлерінің кезекті спорттық кездесуі футбол алаңында өтті. Екі күн бойы 10 команда минифутболдан үздік атануға тырысып, белсенді әрі салауатты өмір салтын ұстануды насихаттауға ықпал етті.

Айта кетейік, спорттық мейрам – университет қабырғасында өткізілетін жыл сайынғы дәстүр. Басқарма төрағасы-ректор Мұхтар Төлегеннің бастамасымен ұйымдастырылған биылғы спартакиада жоғары деңгейде өтуде.

Ала доп аламанының қорытындысы бойынша Жоғары колледж командасы жеңімпаз атанды. Екінші орын Ақпараттық технологиялар және цифрландыру орталығының қатысушыларына бұйырды. Үшінші орынды IT және жаратылыстану ғылымдары Жоғары мектебі алды. Алда қатысушылар мен ұйымдастырушыларды көптен күткен салтанатты марапаттау және спартакиаданың жабылу рәсімі күтіп тұр. Келесі спорттық ойындар 2024 жылы өтеді.