Жетінші корпуста жас ұрпаққа арналған Шежіре күні атап өтілді.

Бұл күні отбасының, ел-жұрттың, жеті атаның тарихы айтылып, шежіресі таратылады. Үлкендер жастарға батасын беріп, елдің, өлкенің тарихы, ерлігі туралы айтады.

– Шежіре күні – отбасылық құндылықтарды дәріптейтін күн болып табылады, сондықтан осы күні жылу мен жайлылық атмосферасын қалыптастыру өте маңызды. Университет дәліздерінде студенттеріміздің стартап-жобасының шығармашылығымен және "Отбасы ағашы" тақырыбындағы суреттермен танысуға болады, – деді IT және жаратылыстану ғылымдары жоғары мектебінің деканы Салтанат Адиканова.

Студенттер қазақ этностилін көрсетіп, "Отбасы" тақырыбында суреттер салып, «Жеті ата» дәстүрі түсіндірілетін шағын көріністі сахналады.

Іс-шараға жоғары оқу орнының ректоры Мұхтар Төлеген де қатысып, студенттер мен ұжымды мерекемен құттықтады. 

Айта кетейік, осы корпуста ғалымдар жаңа жобаларды дайындау үстінде, технологтар ГМО-сыз тәтті тоқаштар әзірлейді, церебральды сал ауруы бар балаларға ыңғайлы креслолар жасалады, қолөнершілер жоғалмайтын жастықтар тігеді және т. б.

Мерекелік күн көктем туралы әндермен және күмбірлеген күймен аяқталды.