С. Аманжолов атындағы ШҚМУ-да облыс колледждері мен ЖОО-лары студенттеріне арналған «The beauty of the English poetry» көркемсөз оқу шеберлерінің облыстық байқауы өтті, оған үш оқу орнынан 12 адам қатысты.

Қазылар алқасына ШҚМУ аға оқытушысы Динара Маткәрімова, Д. Серікбаев атындағы ШҚМТУ оқытушысы Галина Михайлова, «Тіл әлемі» көптілді білім беру орталығының жетекшісі Айгүл Сайлыбаева енді. 

Қатысушылар ағылшын тіліндегі өлеңдерді оқыды. Байқау жеңімпазы болып ШҚМТУ 1 курс студенті Назерке Серікқызы атанды. ШҚМУ Жоғары колледжінің студенті Дарья Вошкина екінші орын алды. Үшінші орынды ШҚМТУ студенті Станислав Казаков иеленді.

Барлық қатысушыларға дипломдар, сертификаттар, естелік сыйлықтар берілді.

Баспасөз қызметі