С.Аманжолов атындағы ШҚУ-да ел Тәуелсіздігінің 30 жылдығына орай «Академик Зәки Ахметов және ұлттық руханият мәселелері» атты халықаралық ғылыми-тәжірибелік  конференция өтті.

Зәки Ахметовтің ғылыми мұрасына арналған конференция өткізу университетімізде дәстүрге айналған.

Конференцияға Мажарстанның Сегед универсиетінен, Л. Гумилев атындағы Еуразия ұлттық университетінен, Алматы қаласындағы М. Әуезов атындағы Әдебиет және өнер институтынан, Қазақ мемлекеттік қыздар педагогикалық университетінен, Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейінен ғалымдар, сонымен қатар Шығыс Қазақстан облысының қоғам қайраткерлері, ақын-жазушылар, журналистер, мектеп мұғалімдері, Зәки Ахметов атындағы №16 мектеп мұғалімдері мен оқушылары, кітапхана және мәдениет қызметкерлері қатысты.

Конференция жұмысының алғы сөзін С. Аманжолов атындағы ШҚУ ректоры, профессор Мұхтар Төлеген бастады. Құттықтау сөзді Өскемендегі Зәки Ахметов атындағы №16 мектептің директоры Гүлзихан Сауырбаева сөйледі.

Жиында М. Әуезов атындағы Әдебиет және өнер институтының бас ғылыми қызметкері, ф.ғ.д., академик Сейіт Қасқабасов,  М. Әуезов атындағы Әдебиет және өнер институты абайтану және жаңа дәуір әдебиеті бөлімінің меңгерушісі, профессор Серікқазы Қорабай, Абайдың «Жидебай-Бөрілі» музейінің директоры Тұрдықұл Шаңбай, Л. Гумилев атындағы Еуразия ұлттық университеті қазақ әдебиеті кафедрасының профессоры, ф.ғ.д. Мақпал Оразбек, Венгрияның Сегед университеті алтайтану кафедрасының профессоры, ф.ғ.к. Раушангүл Мұқышева, Қазақ ұлттық қыздар педагогикалық университеті қазақ әдебиеті кафедрасының профессоры, ф.ғ.д. Гауһар Балтабаева баяндама жасады.

Конференция жұмысына С. Аманжолов атындағы ШҚУ «Абайтану» ғылыми-зерттеу институтының директоры, ф.ғ.д. Айжан Картаева модераторлық етті.

Конференция соңынан қарар қабылданды.

Ғылымдағы жолын Абайды зерттеуден бастап, өмірінің соңына дейін кемеңгер ақынмен бірге рухани тұтасып кеткен ғалым З.Ахметовтің әрбір ілімі – жастар үшін үлгі-өнеге.

«Абайтану» ғылыми-зерттеу институты