С.Аманжолов атындағы ШҚУ-да «Қазіргі заманғы қалалық көпмәдениетті кеңістік: көпэтностық және моноэтностық» халықаралық ғылыми-әдістемелік вебинары өтті.

Халықаралық ғылыми іс-шара С.Аманжолов атындағы ШҚУ-дың «Алтайтану» ғылыми-зерттеу орталығы жүзеге асырған Қазақстан Республикасы Білім және ғылым министрлігінің «Қазақстандағы заманауи қалалық кеңістік (қалыптасу тарихы, өзекті тенденциялар мен перспективалар)» жылдық ғылыми жобасының нәтижелерін талқылауға арналған.

Сонымен қатар, вебинар қалалық кеңістікті қазіргі заманғы мәдениеттің феномені, қала халқының қалыптасу тарихы, қазақстандық қана емес, посткеңестік кеңістіктегі урбанистік процестердің эволюциясы ретінде зерттеуге бағытталған, ірі зерттеушілердің – әлеуметтанушылардың, тарихшылардың, демографтардың, мәдениеттанушылардың мүдделерін біріктірді.

С. Аманжолов атындағы Шығыс Қазақстан университетінің ректоры Мұхтар Төлеген және Алтай мемлекеттік университетінің «Нұрсұлтан Назарбаев және Қазақстан жолы» құрметті кафедрасының және шығыстану кафедрасының меңгерушісі Юлия Лысенко құттықтау сөз сөйледі.

Ғылыми әңгіме тақырыбы қалалық көпмәдениетті кеңістіктің қалыптасуы және оның орта ғасырлардан қазіргі кезеңге дейінгі эволюциясы болды. 

Пікірталасқа тарих ғылымдарының докторы, Абылай хан атындағы Қазақ халықаралық қатынастар және әлем тілдері университетінің профессоры Әнуар Ғалиев, тарих ғылымдарының докторы, Алтай мемлекеттік университетінің профессоры Юрий Гончаров, әлеуметтану ғылымдарының докторы, Иркутск мемлекеттік университетінің ғылыми жұмыс және халықаралық қызмет жөніндегі проректоры Константин Григоричев, тарих ғылымдарының докторы, «Алтайтану» ҒЗО бас ғылыми қызметкері Александр Алексеенко, әлеуметтану ғылымдарының кандидаты, «Алтайтану» ҒЗО бас ғылыми қызметкері Элеонора Столярова қатысты.

«Қазақстандағы қазіргі заманғы қалалық кеңістік (қалыптасу тарихы, өзекті үрдістер мен перспективалар)» жобасы егемен Қазақстанның қалалық кеңістігінің қалыптасу тарихын зерделеуге, оның қазіргі заманғы әлеуметтік-демографиялық және әлеуметтік-мәдени жай-күйінің негізгі үрдістерін айқындауға, оның одан әрі даму перспективаларын модельдеуге бағытталған. 

Жоба аясында «Қазақ жастарының құндылықтық ұстанымдары және әлеуметтік тәжірибелері» (Шығыс Қазақстан облысы үлгісінде) тақырыбында әлеуметтік зерттеу жүргізілді (аналитикалық есеп жарияланды), рецензияланған ғылыми журналдарға мақалалар әзірленді, Қазақстанның қалалық кеңістігін дамыту перспективаларын айқындайтын қазақ жастарының құндылықтары мен әлеуметтік практикаларының болжамды моделі құрастырылды.

«Алтайтану» ҒЗО