Сәрсен Аманжолов атындағы Шығыс Қазақстан университетінің «Алтайтану» ғылыми-зерттеу орталығына және облыстық мұрағатқа Францияның Париж қаласынан тарихшы Марк Эли Қазақстан мен Орта Азия халықтарының тарихы бойынша зерттеу жұмыстарын жүргізу үшін келді. Қонақ ректор, профессор Мұхтар Төлегенмен кездесті. Ректор француз ғалымының зерттеу жұмыстарының тақырыбының тек Шығыс Қазақстан үшін ғана емес, бүкіл республика үшін өзекті екендігін атап өтіп, оның ғылыми ізденістері ШҚУ ғалымдарының қолдауына ие болатынына сенім білдірді.

Марк Элидің айтуынша, оның зерттеулерінің мақсаты экологиялық апаттардың жергілікті халықтың денсаулығына қалай әсер ететінін анықтау. Сонымен қатар, оны қазақтардың мәдениеті мен этнографиясы қызықтырады. Ағымдағы зерттеу тақырыптары: дала аймақтарындағы ауыл шаруашылығының дамуы, 1948-1980 жылдар; экологиялық және гуманитарлық жеңіліс және Кеңес Одағының ыдырауы, 1986-1991; және 1960 жылдары Қазақстанда қоныстануға қарсы бөгеттердің құрылысы. Ғалымның ғылыми жобасының тақырыбы:  «Ұлы дала, даладағы апаттар: ХХ ғасырдағы Ресейдегі ғалымдар мен табиғи апаттар» деп аталады. Ал, Аманжолов университетіне өзінің авторлық зерттеуі «КСРО мен қабылдаушы мемлекеттердегі экологиялық денсаулық» француз-неміс жобасы бойынша жұмыс істеуге келді.

Марк Эли EHESS құрылымдық бөлімшесіне жататын «Ресей, Кавказ, Орталық Еуропа және Орталық Азияны зерттеу жөніндегі зерттеу орталығы» директорының орынбасары қызметін атқарады. EHESS-тегі зерттеу бағыттары негізінен әлеуметтану, философия, тарих, саясаттану, экономика, антропология, когнитивистика, құқық, демография, лингвистика, өнер және әдебиет теориясында шоғырланған.

Кездесуге стратегиялық даму және ғылыми жұмыс жөніндегі проректор Ирина Ровнякова, «Алтайтану» орталығының директоры, қауымдастырылған профессор Жанна Әубәкірова сондай-ақ, «Алтайтану» орталығының бас ғылыми қызметкері Александр Алексеенко және с.ғ.к. Элеонора Столярова қатысты.