«Дене шынықтыру және спорт» мамандығының екінші курс студенті Мағжан Шеризатов гір спортынан Азия-2023 чемпионатында жеңіске жетті. Биыл жарыс Қырғызстанда Бішкек қаласында өтті.

Сегіз елден 400 спортшы чемпиондық атаққа таласты. 63 келі салмақ дәрежесінде 13 жігіт сынға түсті. Оның ішінде ШҚУ студенті бар. Ол, салмағы 24 келі гір тасын 162 рет көтерді.

Мағжан жеңіс жеңіл келмегенін айтады. Қарсыластары – кілең тәжірибелі спортшылар. Дегенмен, Тимур Мұшекенов, Серік Мұхамеджанов және Әділ Әбдіғалиев кіріскен бапкерлік құрамның арқасында алтыннан алқа тақты.

Жүлдені қанжығаға байлаған студент болашақта да ел даңқын асқақтатып, ересектер арасында Әлем чемпионы болуды мақсат етіп отыр.