Дәстүр бойынша С. Аманжолов атындағы ШҚУ-да Наурыз мерекесін – көктемгі жаңарудың, жаңа өмір мен мүмкіндіктердің символы ретінде кеңінен атап өтуде. Жыл сайын Amanzholov University Наурыз мерекесінің үздік дәстүрлерін көрсетіп келеді. Осы аптада 10 күнге созылатын мерекелік бағдарлама басталды. Студенттер, қызметкерлер мен профессорлық-оқытушылық құрам Көрісу күнін, Шежіре күнін, Жайлау күнін тойлады. Оқу аптасының соңында біз Тарихқа тағзым күнін атап өттік. 
Шара № 9 оқу корпусында ұйымдастырылды. Мерекелік бағдарламаға вокалдық және хореографиялық нөмірлер енді. Студенттер әртүрлі халықтардың ұлттық тағамдарын ұсынды. Жас әртістер ұлттық әдет-ғұрыптар мен дәстүрлер тақырыбында театрландырылған шоу көрсетті.