Университет базасында Шығыс Қазақстан облысының 10-11 сынып оқушыларына арналған "Алтын түлек" республикалық математикалық олимпиадасы өтті. Оны "Дарын" ғылыми-практикалық орталығының және "Зерделі" білім беру орталығының қызметкерлері ұйымдастырды. Олимпиадаға шығысқазақстандық 50 оқушы қатысты. 

Шараның негізгі мақсаты – балалардың математикаға деген қызығушылығын дамыту. 

Қазылар алқасының құрамында С. Аманжолов атындағы ШҚУ-дың математика кафедрасының оқытушылары Айбек Бакишов, Зухра Сатпаева және Жадра Жақсылықова болды. 
Олимпиаданың екінші турының қорытындысы бойынша бас жүлдеге Өскемен қаласының № 15 орта мектебінің 11 сынып оқушысы Нұрсұлтан Аманжанов ие болды. Жеңімпазға Сәрсен Аманжолов атындағы Шығыс Қазақстан университетінің төрт жылдық оқу гранты берілді. 

Маркетинг, мансап және жұмыспен қамту орталығы