Шығыс Қазақстан университетінің №7 оқу ғимаратының базасында өндірістік алаң жұмыс істейді. Негізгі міндеті - жаңа жиһаздар жасап, ескісін қалпына келтіру. Цех қызметкерлері құжаттарды қоюға, киімдерге арналған шкафтарды, жұмыс үстелдерін, орындықтарды жасайды. Дайын жиһаздарды оқу ғимараттарына және студенттер үйіне қолдануға береді.

Цех жұмысының басты артықшылықтарының бірі жұмыс орындарының болуы ғана емес, сонымен қатар студенттер үшін өндірістегі практикалық тәжірибе. Мысалы, бір шкафтың алдын ала құны 39 593 теңге. Ал, дайын өнімнің орташа бағасы 80 000 теңгеден басталады.

Өнім неғұрлым сапалы шығу үшін ЖОО басшылығы материалдық жабдықтау базасын үнемі жаңартып отырады. Атап айтқанда, станоктар, балғалар, бұрағыштар, кептіргіштер, тегістеуіштер мен компрессорлар сатып алынады.

Оқу орыны басшысы Мұхтар Төлегеннің айтуынша, жиһаз жасау цехы – студенттердің жайлы оқуы мен қызметі үшін қолайлы орын.