Қаланың орталық алаңында қазақ халқының ұлы ойшылы, ақын Абай Құнанбайұлының ескерткішіне гүл шоқтарын қою рәсімі өтті. Игі шараға С. Аманжолов атындағы ШҚУ оқытушылары, абайтанушылар, ақын-жазушылар мен қоғам қайраткерлері қатысты.

- Дәстүрді сақтап, ұлылар рухына тағзым ету біз үшін маңызды. Халқымыздың дара, дана тұлғасы Абайды әспеттеу біздің міндетіміз деп білемін. Біздің ЖОО ақын мұрасын ерекше қастерлейді. Университетімізде «Абайтану» ҒЗО жұмыс істейді. Онымен қоса, Польшада «Абай» жастар ғылыми-білім беру орталығы ашылған еді. Абай атындағы арнайы шәкіртақы да бар, - деді Стратегиялық даму және ғылыми жұмыс жөніндегі проректоры Ирина Ровнякова.

Айта кетейік, биыл ұлы ойшылдың туғанына 178 жыл толды.