Эразмус+ институтаралық келісім халықаралық бағдарламасы

Аманжолов атындағы Шығыс Қазақстан университеті Еуропа елдерімен тығыз байланыс орнатқан. Ол Венгрия, Польша, Латвия, Литва, Германия, Франция, Швеция, Швейцария және басқа да Еуроодақ елдерінің  университеттерімен ынтымақтастық туралы келісімдерге қол қойған. Биылғы жылы Клуж Напока техникалық университетімен (Румыния) ынтымақтастық орнатылды. Аманжолов университеті Румыния ЖОО-мен Эразмус +  академиялық ұтқырлық бағдарламасы бойынша келісімге қол қойып, ақпараттық технологиялар, жаратылыстану ғылымдары, сондай-ақ гуманитарлық зерттеулер саласында студенттер мен қызметкерлер және тәжірибе алмасуды көздеп отыр. Клуж Напока техникалық университетінің гуманитарлық факультетінде екі кафедрада: филология және мәдениеттану кафедрасында және әлеуметтік-гуманитарлық ғылымдар, теология және өнер кафедрасында гуманитарлық ғылымдар бойынша ғылыми зерттеулер сәтті жүргізілуде.