Қуанышбеков Тілек Қуанышбекұлы

Қуанышбеков Тілек Қуанышбекұлы, ұлты қазақ, 1989 жылы 17 тамызда Шығыс Қазақстан облысының Зайсан ауданы, Айнабұлақ ауылында дүниеге келген. 2007 жылы М.В. Ломоносов атындағы орта мектепті тәмәмдаған. 2007 жылы С. Аманжолов атындағы Шығыс Қазақстан мемлекеттік университетінің математика, физика және технологиялар факультетіндегі кәсіптік оқыту және технологиялар кафедрасында 5В012000-«Кәсіптік оқыту» мамандығына оқуға түсіп, 2011 жылы тәмәмдады. 2011 жылы 6М012000 – «Кәсіптік оқыту» мамандығының магистратурасына түсіп, 2013 жылы кәсіптік оқыту мамандығы бойынша педагогика ғылымдарының дәрежесін алды. 2011-2013 жылдары Өскемен қаласының «Ресурс орталығы» мемлекеттік мекемесінде «Технология» пәнінің әдіскері және «Авто іс» пәні бойынша мұғалім қызметтерін атқарды. 2013-2016 жылдар аралығында С. Аманжолов атындағы Шығыс Қазақстан мемлекеттік университетінің «Жаратылыстану және технологиялар» факультетінің «Кәсіптік оқыту және технологиялар» кейінен «Физика және технологиялар» кафедрасында оқытушы қызметін атқарды. 2016 жылы Алматы қаласы әл-Фараби атындағы Қазақ ұлттық университетінің 6D071000 – «Материалтану және жаңа материалдар технологиясы» мамандығына оқуға түсті. Қуанышбеков Т.Қ. 2018 жылдың 13 сәуірінен 30 маусым аралығында АҚШ, Техас штаты, Сан-Маркос қаласы Техас мемлекеттік университетінде Dr. G.W. Beall шетелдік ғылыми жетекшісінің басқаруында ғылыми тәжірибеден өтті. Қуанышбеков Т.Қ. ғылыми тәжірибе уақыт аралығында диссертация тақырыбы бойынша эксперименттік жұмыстар орындады. 2019 жылдың 28 маусымында әл-Фараби атындағы Қазақ ұлттық университетінің диссертациялық кеңесінде «Researching the properties of functionalized few-layer graphene nanostructures» тақырыбында философия докторлық (PhD) диссертацияны сәтті қорғады. 2019 жылғы 28 маусымдағы диссертациялық кеңестің шешімі, 2019 жылғы 5 шілдедегі № 4-3419 әл-Фараби атындағы ҚазҰУ ректоры бұйрығының негізінде Қуанышбеков Тілек Қуанышбекұлы 6D071000 – Материалтану және жаңа материалдар технологиясы мамандығы бойынша философия докторы (PhD) дәрежесі берілді. 2016-2019 жылдар аралығында әл-Фараби атындағы Қазақ ұлттық университетінің «Ашық типтегі нанолабораторияда» «Получение и исследование физико-механических свойств композитов на основе полимеров с наполнителями из наночастиц графита и оксидов графена» (2015-2017); «Разработка технологии создания защитных покрытий на основе функционализированных графеновых наноструктур и исследование их свойств» (2018-2020) ғылыми жобаларында белсене қатысты. Жалпы еңбек өтілімі 8 жыл. Ғылыми зерттеулердің нәтижелері бойынша барлығы 20-ға жуық мақалалар, ККСОН ұсынған басылымда 5 мақала, Scopus және Web of Science деректер базасында 3 мақала жарияланды. Жоғары шығармашылық потенциалға ие, достық қарым-қатынасы белсенді, алдына қойған мақсатына жету жолында өте жауапты, білікті маман иесі. Қуанышбеков Т.Қ. кафедрада және университетте мұғалімдердің, қызметкерлер мен студенттер арасында құрметке ие.