Кафедра тарихы
математика кафедрасы 1969 жылы құрылды. Кафедра құрылғаннан бері оны жетекші ғалымдар басқарды. Олар: физика-математика ғылымдарынын кандидаты, профессор Теут О.М., физика-математика ғылымдарының кандидаты доцент Мелентьев А.И., физика-математика ғылымдарының кандидаты Криулько С.А., физика-математика ғылымдарының кандидаты, профессор Базарбеков А.Б.
2005 жылдың 23-қыркүйегінен кейін кафедраның қайта құрылуына байланысты алгебра, геометрия және математикалық талдау кафедралары біріктірілді. Біріктірілген кафедра математика кафедрасы деп аталып, 41 жылдық ғылыми-педагогикалық еңбек өтілі бар физика-математика ғылымының кандидаты, профессор Базарбеков Ақберген Байжұманұлы басқарды. 2005 жылы «Информатика» кафедрасы «Математикалық үлгілеу және компьютерлік технологиялар» кафедрасының бөлінуі салдарынан құрылған. п.ғ.к. С.Н. Кубентаева және т.ғ.к. Н.М. Темірбеков информатика кафедрасының меңгеруші қызметін атқарды.
2009 жылдың 17 қыркүйегінен бастап математика кафедрасының меңгерушісі болып техника ғылымдарының кандидаты, доцент Мадияров Мұраткан Нәбенович сайланды.
2011 жылдың қараша айында «Математика» кафедрасы «Информатика» кафедрасымен бірігуі нәтижесінде «Математика және информатика» кафедрасы деп аталды. Біріккен кафедра меңгеруші қызметін т.ғ.к. М.Н. Мадияров атқаруда.
2013 жылдың қыркүйек айында кафедра қайтадан таратылып, қайтадан бұрынғы өз «Математика» кафедрасы атауына ие болды.
2017 жылдың 12 желтоқсанынан бастап математика кафедрасының меңгерушісі болып ф.-м.ғ.к. Ергалиев Е.К. тағайындалды.
Кафедра келесі мамандықтар бойынша даярлайды:
- 5В060100 – Математика математика бакалавры, ғылыми-жаратылыстану бағыты.
- 5В010900 – Математика, математика бакалавры, педагогикалық бағыт.
- 6М060100 – Математика, жаратылыстану ғылымдарының магистрі
- 6М010900 – Математика, математика мамандығы бойынша педагогикалық ғылымдар магистрі