Өндірістік тәжірибе
Физика және Кәсіптік оқыту мамандықтары бойынша студенттердің педагогикалық іс-тәжірибесі
Университет студенттерінің іс-тәжірибесі жоғары білімді мамандар дайындауда білім берудің ажырамас бөлігі болып есептелініп, мектептерде оқу бағдарламасы мен үрдісіне сай мамандықтарына байланысты іс-тәжірибені өтеді.
Студенттердің іс-тәжірибесі жоғары оқу орындарында теориялық оқу барысында алған білімін нығайтуға және алдыңғы қатарлы тәжірибелерді меңгеруге бағытталады.
2019 жылдың 02 қыркүйегінен 13 желтоқсан аралығында жаратылыстану ғылымдары және технологиялар факультетінің физика кафедрасының 6В01502 - «Физика» и 6В01402 - «Кәсіптік оқыту» білім беру бағдарламалары күндізгі оқу түрі бойынша 3 курс студенттері қала мектептерінде оқу-тәрбиелік педагогикалық (үздіксіз) іс-тәжірибеден өтуде. Оқу-тәрбиелік педагогикалық (үздіксіз) іс-тәжірибе 15 апта бойы өтеді. Оқу-тәрбиелік педагогикалық (үздіксіз) іс-тәжірибені ұйымдастыру кезінде негізгі талаптың бірі – тәжірибе өту мекемелерін таңдап алу. Біздің тәжірибе өтетін мектептер: №16 З.Ахметов атындағы орта мектеп, № 20 А.Байтұрсынов атындағы орта мектеп, Өскемен қаласындағы №32 орта мектебі. Бұл мектептерде іс-тәжірибені нәтижелі, тиімді, педагогикалық ғылымының соңғы жетістіктерімен үйрететін білікті, маман ұстаздар бар.
Іс-тәжірибенің бұл түрі осы білім беру бағдарламалары бойынша 3 курс студенттеріне 2 семестрде де жалғасады.
Мақсатты ұйымдастырылған және тиянақты өткізілген оқу-тәрбиелік педагогикалық іс-тәжірибе студенттерді оқыту мен тәрбие жұмысының қазіргі өмірімен байланысын күшейтуге, болашақ ұстаздың балалар және жасөспірімдермен байланысын күшейтуге, болашақ ұстаздың балалар және жасөспірімдермен тығыз қарым – қатынаста болуына және студенттің пән бойынша психологиялық – педагогикалық білімінің қалыптасуына оң әсерін тигізеді.
