САКЕНОВА РИММА ЕРБОЛАТКЫЗЫ

Сакенова Римма Ерболаткызы, ұлты қазақ, 1985 жылы 5 тамызда Шығыс Қазақстан облысы Күршім ауданы, Жолнұсқау ауылында дүниеге келген. 2002 жылы С.Аманжолов атындағы Шығыс Қазақстан мемлекеттік университеті, Математика, Физика және Технологиялар факультетінің «Физика және информатика» мамандығына оқуға түседі де, 2006 жылы оқу орнын аяқтап, «Физика және информатика» пәнінің мұғалімі дәрежесін алады. 2006 жылдан 2013 жыл аралығында С.Аманжолов атындағы ШҚМУ Инновациялық  технологиялар орталығы, инженер-техник, Компьютерлік орталықта құрал-жабдықтармен қамту инженері болып қызмет атқарған. 2012 жылы С.Аманжолов атындағы ШҚМУ «Физика» мамандығы бойынша магистратураға түсіп, 2014 жылы оқуды аяқтап, педагогика ғылымдарының магистрі дәрежесін алды. 2014-2020 жж. С.Аманжолов атындағы  ШҚМУ, «Физика және технологиялар» кафедрасында аға оқытушылық қызмет атқарып келді. 2017-2018 жж. аралығында Д. Серикбаев атындағы ШҚМТУ «Техникалық физика және материалтану» кафедрасында оқытушы қызметін, 2019 жылы «Энергетика және техникалық физика» кафедрасында оқытушылық қызмет атқарды. 2017-2020 жж. аралығында Д. Серикбаев атындағы ШҚМТУ «Техникалық физика» мамандығы бойынша докторантураны аяқтады. 2021 жылдың 18 маусымында «Семей қаласының Шәкәрім атындағы университеті» КЕАҚ 6D072300 – «Техникалық физика» мамандығы бойынша диссертациялық кеңесте 6D072300 – «Техникалық физика» мамандығы бойынша философия докторы (PhD) дәрежесін алу үшін «Кремний иондарымен имплантталған CrN/ZrN/Cr/Zr наноқұрылымды жабындағы диффузия және микросегрегация процестері» тақырыбында жұмысын сәтті қорғады.

Жалпы еңбек өтілімі – 15 жыл.

Р.Е.Сакенова «Механика», «Молекулалық физика», «Атомдық физикаға кіріспе», «Физикадағы сандық әдістер», «Математикалық физика әдістері» пәндері бойынша студенттерге дәрістер курсын оқиды.

Р.Е. Сакенованың «Атомдық физикаға кіріспе», «Физикалық үрдістерді үлгілеу», «Теория теплоемкости жидкости», «Курс лекций по моделированию физических процессов», «Теориялық механикадан қысқаша дәрістер кешені», «Laboratory practice of the course of lectures on the modeling of physical processes», «Laboratory practical works», «Лабораторный практикум», «Физикадан есептер шығару мысалдары» атты оқу-әдістемелік құралдары жарық көрген.

Р.Е. Сакенова ғылыми-зерттеу жұмыстарымен белсенді айналысады,  зерттеулердің нәтижелері 25 мақала республикалық және халықаралық конференцияларда ұсынылды, КНАСОН ұсынған басылымдарда 9 ғылыми мақала және 2 мақаласы Web of Science Core Collection (Clarivate Analytics) және Scopus (Elsevier) квартиль – Q1, импакт факторлары – 4,65 және 8,758 Халықаралық ақпараттық ресурстарына кіретін шетелдік ғылыми журналдарда жарияланған, сонымен бірге өнертабысқа 1 патент алынған.

Р.Е. Сакенова 2016 жылы тобымен бірге «Жылдың үздік тобы» жеңімпазы атанған. 2017 жылы «Жылдың үздік кураторы» атағын жеңіп алған.

Жоғары шығармашылық потенциалға ие, достық қарым-қатынасы белсенді, алдына қойған мақсатына жету жолында өте жауапты, білікті маман иесі. Р.Е.Сакенова кафедрада және университетте мұғалімдердің, қызметкерлер мен студенттер арасында құрметке ие.